Agorrosingo tasen kontrako bide aurre-judiziala hartuko du Elgetako Udalak

Elgetako udalbatza martitzenean egindako osoko bilkuran. (Argazkia: Aner Fernandez)

Abokatua eta prokuradorea izendatuta daude, eta Antzuolako Udalak ere bide beretik joko du.

Bergarako Udalak ez du onartu Elgetako eta Antzuolako Udalek azaroan jarritako erreklamazioa, eta martitzeneko osoko bilkuran errekerimendua egitea onartu du Elgetako udalbatzak. EH Bilduren aldeko botoekin eta Gu Geu Elgetako ordezkarien abstentzioarekin hartu da erabakia.

Hala, Bergarako Udalak ez badio eskatutakoari erantzunik ematen hilabeteko epean alkatea baimenduta dago auzi-errekurtso bat aurkezteko. Abokatua eta prokuradorea ere izendatuta daude.

Eskaerarekin ados egonda ere oposizioko kideek uste dute saiakera gehiago egin beharko liratekeela bide judizialetik kanpo adostasun batera iristeko. EH Bilduko ordezkariak, ordea, ez datoz bat. Saiakerak egon direla adierazi dute eta Bergarako Udalaren aldetik ez dutela adostasun batera iristeko borondaterik ikusten azaldu dute.

Antzuolako udalbatzak ere bide aurre-judiziala hartzea onartu du.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete