Vicente Atxak gaur goizeko aurkezpenean adierazi duenez, merkatuan eta hezkuntza-arloan antzeman diren beharrei erantzungo dien eskaintza akademikoa taxutu da, Mondragon Unibertsitateak hasiera-hasieratik eduki duen profil berritzailearekin bat jokatuz eta jardunean oinarritutako prestakuntza-ereduaren garrantzia begi-bistatik galdu gabe.
31 titulazio
Mondragon Unibertsitateak 31 titulazio eskainiko ditu 2019-2020 ikasturtean. Horietatik 16 graduak izango dira: 9 ingeniaritza alorrekoak izango dira, 2 enpresa kudeaketakoak, ekintzailetzako 1, komunikazioko 1, hezkuntzako 2 eta gastronomiako 1. Masterretan, berriz, 8 ingeniaritzakoak, 4 enpresa kudeaketakoak, 2 hezkuntzaren alorrekoak eta gastronomiako 1. Ondorengo taulan, fakultate bakoitzak eskaintzen dituen titulazio berriak adierazten dira:
| Enpresagintza Fakultatea |
|
| Goi Eskola Politeknikoa |
|
| Humanitate eta Hezkuntza Zientzien Fakultatea |
|
| Gastronomia Zientzien Fakultatea (Basque Culinary Center) |
|
Digitalizazioa
Digitalizazioa dela eta, erakundeen kudeaketak bilakaera jasan du: segurtasun digitala edo zibersegurtasuna bermatzeko sistemen eskaera eta premia handitu egin da; prozesu industrialak eta robotak automatizatzeko, kontrolatzeko eta adimenez hornitzeko premia handiagoa dago; bezero eta erabiltzaileen milioika datu erabiltzen dira, eta erakundeen etorkizunerako funtsezkoa da datu horiek aztertu eta balioa ateratzea; eta abar. Enpresak aspaldi ari dira esparru horietan espezializatutako profilak eskatzen, premia berriek profil berriak eskatzen dituztelako. Unibertsitateek titulazio berrien bidez edo egungoak egokituz erantzun behar diote eskaerari.
Hezkuntza aldatzeko bidea
Hezkuntza aldatzeko bidean, funtsezkoa izango da erakundeetan nahiz hezkuntza-komunitateetan berrikuntzaren kultura sustatzea eta irakasleek bereganatu beharko dituzten rol berriei erantzungo dieten pertsonak trebatzea. Rol-aldaketa horiek burutzeko, berriz, beharrezkoa izango da irakaslea ikaskuntza-prozesuaren «eraldatzaile» bihurtzea, hezkuntza-maila guztietan.
