Mondragon Unibertsitateko errektoreordeak, Jon Altunak, Latinoamerikako eta Europako errektoreordeen panelean hartu du parte, ezagutzaren erronka berrien aurrean unibertsitateak izan beharreko eraldaketaren inguruan hitz egiteko. Horrez gain, Humanitate eta Hezkuntza Zientzien Fakultateko dekanoak, Begoña Pedrosak, hitzaldia eskaini du, XXI. mendeko hezkuntzaren berrikuntzari eta irakasleen zereginari buruz. Azkenik, Mondragon Unibertsitateko laguntzaile eta hezkuntza-eraldaketaren arloko aditu Xavier Garayk agerian jarri du unibertsitateak eraldatu beharra daukala, eta horren adibidetzat jarri du Mondragon Unibertsitatearen Mendeberri 2025 hezkuntza-eredua eta horrek dakarren unibertsitate-graduen egokitzapena.
Egubakoitzean amaituko da kongresua
Mexikora egindako bidaia honetan, unibertsitateko zuzendaritza-taldeak bilerak egingo ditu zenbait erakunderekin, hezkuntza- berrikuntzaren arloko lankidetzan eta gestio sozialari eta kooperatiboari lotutako gaietan aurrera egiteko, unibertsitateak arlo horietan duen hezkuntza-eredua esportatzeko asmoz.
Akordioa sinatuko da
Vicente Atxa, Tecnologico de Monterrey unibertsitateko errektoreordearekin elkartuko da, bi unibertsitateetako ikasleen mugikortasunaren inguruko akordioa sinatzeko. Akordio horren helburua, ikasle horiek erronka berean lan egitea izango da.
