2016an egin zen Gazte Mintzodromoak ekimenaren jarraipena da Mingainak Dantzan. Antolatzaileek azaldu dutenez, egunerokotasuneko gai ezberdinei buruz hitz egingo dute gazteek, betiere euskara abiapuntutzat hartuta: musika, asteburuak, kultura, kirola, gaurkotasuna, sare sozialak...
Goizean zehar, kirolean, musikan eta antzerkian ezagunak diren hiru lagunek egingo dizkiete galderak gazteei eta hamar bat dinamizatzaileren laguntzarekin gai horien inguruan hausnartu eta eztabaidatuko dute.
Zozketa
Mingainak Dantzan ekimenak sareetan ere oihartzuna izatea nahi dute antolatzaileek. Abenduaren 3ra bitartean Instagramen #MingainakDantzan traolarekin argazkia igo eta @MingainakDantzan kontua jarraitzen dutenen artean bluetooth bozgorailu bat zozketatuko da.
