Euriagatik, gaurko abisu horia iragarri dute metereologia zerbitzuek, eta batez ere Gipuzkoako barnealdean eta ekialdean pilatuko da litro gehien.
Euskalmeten abisua:
Abisu Horia prezipitazio handiagatik 06:00etatik 21:00etara. Ordubetean 15 l/m² ur baino gehiago pila daiteke. Zaparrada ertainak eta trumoitsuak botako ditu eta zenbait lekutan handiak izan daitezke, bereziki ekialdean. Baliteke Kantauri isurialdean zaparradak ugariak eta iraunkorrak izatea, bereziki ekialdean. Bizkaian 20-40 l/m² ur pila daiteke, 30-50 l/m² ur Gipuzkoan eta ezin da baztertu, Gipuzkoa ekialdeko zenbait puntutan 60 l/m² ur baino gehiago pilatzea. Bestalde, Araban 20-30 l/m² ur pila daiteke, bereziki ekialdean.