Judo irakaskuntzarako eta batez ere judo hastapenean argi eduki beharreko kontzeptuei egin zien erreferentzia Urrutiak: haurren garapen psiko-ebolutiboan kontuan edukitzea saioak planifikatu eta taldekatzeak egiterako orduan; egoera motorraren garrantzia judo saioak diseinatzerako orduan eta baita kalitatezko heziketa fisiko jarduera batean zeintzuk diren kalitateari erreferentzia egiten dieten irizpideak judo saioek hauek kontutan izan ditzaten –hausnarketara bideratua dagoena eta curriculum ezkutua moduko kontzeptuak kontutan hartzen dituena–.
Bestalde, motrizitatearen oinarrien errepasoa ere burutu zuen eta motrizitatearen ikuspegi holistiko integrala aintzat hartzea gomendatu zien etorkizuneko judo irakasle berriei.
Guzti honek judoaren irakaskuntza eredu pedagogikoen barnean kokatzen du. Eta, bere esanetan, eredu pedagogiko hau burutzeko judoa instrumentalizatzea da bidea, judoaren bidez eta eredu pedagogikoak landuz jorratu daiteke motrizitatearen garapena; haurren garapen psiko-ebolutiboa kontuan hartuz eta baita kalitatezko heziketa fisikoaren nondik norakoan kontuan hartuz.
