KUP-ek zutik jarri du nazioarteko publikoa

Goiatz Arana Begiristain 2018ko abuztuaren 7a

Debagoieneko sei lagun izan dira Taiwanen, KUP Taldearekin.

KUP Taldeak izugarrizko arrakasta izan du Taipeiko National Concert Hall-en. Herrialdean barrena lau kontzertu eman ondoren, bertan egin du azken emanaldia, 1.400 ikusleren aurrean, eta jendeak zutituta txalotzea lortu du. Asiako abesbatzen topaketa garrantzitsuena da Taiwangoa; munduko onenek abesten dute bertan.

Arrasateko Rakel Murgiondok, Bergarako Karlos Etxanizek, Marije Ugaldek eta Aitor Garitanok, eta Oñatiko Aitor Biainek, Gorka Aranburuk eta Amaia Igartuak abesten dute KUP Taldean, eta guztiak izan dira Taiwanen, Igartua izan ezik.

Gaur, martitzena, dira Euskal Herrira itzultzekoak.