Justiziak arrazoia eman dio Mondragoni

Bergarako lehen zenbakiko epaitegiak gaur, egubakoitza, eman du Ordaindu/Eskurako elkarteek korporazioaren aurka bultzatutako auzi eskeari buruzko epaia: atzera bota du, oso-osorik. Horretarako, Mondragonek epaiketan zehar alegatutako argudio ugarietatik lehenengoari heldu dio; alegia, auzi eskearen preskripzioari, eta, beraz, ez du gainerakoa aztertu behar izan. Mondragonek epaiaren oso balorazio positiboa egin du.

Prentsa oharra, osorik:

"Justiziak arrazoia eman dio Mondragoni, eta absolbitu egin du auzi jartzaileen asmo
guztietatik.

Bergarako Epaitegiak atzera bota du, oso-osorik, Ordaindu eta Eskuratu elkarteek sustatutako auzi eskea.

Bergarako 1. zenbakiko epaitegiak gaur eman du Ordaindu/Eskurako elkarteek Mondragon Korporazioaren aurka bultzatutako auzi eskeari buruzko epaia. Ebazpenean, justiziak arrazoia eman dio Mondragoni, eta absolbitu egin du auzi jartzaileen asmo guztietatik.

Epaileak atzera bota du, oso-osorik, auzi eskea. Horretarako, Mondragonek epaiketan zehar alegatutako argudio ugarietatik lehenengoari heldu dio; alegia, auzi eskearen preskripzioari, eta, beraz, ez du gainerakoa aztertu behar izan.

Mondragonen balorazioa

Mondragonek epaiaren oso balorazio positiboa egin du eta gogorarazi du epaiketan zehar argi eta garbi geratu dela Mondragonek ez ziela inola ere iruzurrik egin auzi jartzaileei. Horrenbestez, berretsi egin dira auzi eske honetan hasieratik bertatik defendatu dituen argudioak. Hots, kooperatibak autonomoak eta burujabeak direla, eta, beraz, horien etorkizunari buruzko erabakien erantzukizuna kooperatibena eta soilik horiena dela, beste ezein instantziatara eskuordetzeko aukerarik izan gabe. Eta, jakina, Mondragonek ez diela iruzurrik egin auzi jartzaileei".

Erlazionatuak

Ordaindu eta Eskuratu atsekabetuta agertu dira epailearen erabakiarekin

Debagoiena

900 laguni baino gehiagori eragiten dion "auziaren mamian sartu ez izana epailea" nabarmendu dute Eskuratuk eta Ordainduk, eta "ondo baino hobeto f...
Mondragon auziko epaia: Meloia ez da zabaldu

Erabiltzailearen aurpegia Arrasate Bergara

Mondragon taldeak prozesu judizialean alegatu zuen preskripzioa aintzat hartuz, Bergarako Lehen Auzialdiko 1 zenbakiko Epaitegiko epaileak Fagorrek...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.