Asier Garitano Realeko entrenatzaile bergararraren taldea bertatik bertara ikusteko aukera izango dute zaleek, honenbestez.
Realak Agorrosinen, azkenekoz, Kilometroak 2016ren alde jokatu zuen. Eibar izan zuen aurrean eta banako berdinketarekin amaitu zen lehia. 2016ko abuztuan izan zen hura, bi taldeak lehen mailan zeudela, gaur egun bezala.
Realak, oraingoan, Osasuna izango du kontrario. Berriki, Lehen Mailara igotzeko play-off-etik kanpo geratu da talde nafarra.
Denboraldi-aurrea Gipuzkoan
Realak Zubietan egingo ditu denboraldi-aurreko prestaketa saioak eta azkeneko urteetan ez bezala, ez du kanpoan kontzentrazio berezirik egingo. Hori hala, Gipuzkoan hainbat lagunarteko partidu jokatuko ditu, horien artean Bergarakoa edota Ipuruan, uztailaren 20an, Eibarren aurka jokatuko duena, Gipuzkoako Futbol Federazioaren mendeurreneko ospakizunen barruan.
Gaur gaurkoz, talde zuri-urdinak ziurtatuta dauzkan Liga hasi aurreko adiskidantzako partiduak honako hauek dira:
- Uztailak 14: Real Sociedad-Sanse. Zubieta
- Uztailak 20: SD Eibar-Real Sociedad. Ipurua, Eibar.
- Uztailak 25: Real Union-Real Sociedad. Txerloia, Azkoitia.
- Uztailak 28: Real Sociedad-Osasuna. Agorrosin, Bergara.
- Abuztuak 8: Real Sociedad-Alaves. Asti, Zarautz.
