Antzuolako liburutegia urez bete da. Urak umeen gelako kristal bat apurtu du, eta barrura sartu da, eta hortik liburutegi guztira zabaldu da, liburutegiko arduradun Lierni Legorbururen arabera. "Dena hankaz gora dago, guztia apurtuta", azaldu du. Herritar ugari dabiltza ura liburutegitik atera eta garbiketa lanak egiten. Horrez gain, GI-632 errepidea itxita dago.
"Liburu guztiak herri guztian zehar dabiltza", adierazi du herritar batek. Antza denez, goiko obretatik ur asko ari da jaisten, eta errepidean ere putzu handiak daude.
Bestalde, Eguzki auzoan 100 bat herritar ari dira kalteak konpontzeko lanetan. "Auzo honetako frontoiak 50 zentimetroko paretatxo bat dauka, eta hori gainditu ostean, igerileku bihurtu da frontoia. Beste ur guztia auzoan behera doa. Lanpetuta gabiltza orain honi aurre egin guran".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
