Asier Garitano: "Beti nahi izan dut Reala entrenatzea"

Goiena 2018ko mai. 24a, 22:08

"Beti nahi izan dut Reala entrenatzea". Halaxe mintzatu da Asier Garitano Realeko entrenatzaile berria, Realeko telebista kanalean.

Asier Garitano Realeko entrenatzailea da dagoeneko. Bergarako teknikoak gaur arratsaldean sinatu du klub txuri-urdinarekin 2021 arteko kontratua. Ondoren, gipuzkoarrak Realeko telebista kanalari eskaini dizkio lehen hitzak.

"Beti nahi izan dut Reala entrenatzea. Oso pozik eta ilusioz nator. Madrilen nuena baino zerbait desberdinagoa nahi nuen eta lortu egin dut, klub handi batean. Gauza kondo joatea espero dut", esan du entrenatzaileak. Bihotz txuri-urdinekoa, Asierrek honakoa aitortu du: "Txikitatik naiz Realzale, Atotxara joaten ginen Gaztelu ikustera, Bergarakoa baitzen, ligen garaian. Oso pozik nago orain proiektu honen partaide izatearekin".

Garitanok anbizio handia erakutsi du bere hitzetan. "Badakit gipuzkoarrak nolakoak garen, badakit nora natorren, badakit zer nahi dudan, eta fitxatzen banaute onenekin lehiatzen saiatzeko norbait nahi dutelako da, eta horretarako nahitaezkoa da eguneroko lana, exijentzia, nire ondoan dagoen jendearen onena ateratzea munduko onenekin lehiatzeko. Hori da nik dudan anbizio eta ideia. Ea noraino iritsi gaitezkeen", amaitu du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak