Atzo, eguena, Iñaki Errazkinek eta Ainhoa Intxaurrandietak epaiketa izan zuten Madrilen, 2013an GHK-ko arduradun zirela Zubietako errauste planta geldiaraztea egotzita. Errazkin Foru Aldundiko Ingurumen diputatua zen garai hartan eta Intxaurrandieta, berriz, Gipuzkoako Hondakinen Kontsortzioko presidentea. Bi buruzagi ohiei elkartasuna adierazteko ekitaldia egingo dute domekan Azpeitian, 12:30ean.
EH Bilduk antolatuta, biei elkartasuna adierazteko ekitaldia egingo dute domekan Azpeitian, 12:30ean, eta Debagoienetik zenbait herritar gerturatuko dira. Arrasaten 11:15erako Arbolapetan jarri dute hitzordua, autoz joateko; Bergaran 11:30ean pilotaleku aurrean elkartuko dira; Aretxabaletan 11:15ean Azbeko geltokian. Azkenik, Oñatiko, Eskoriatzako, Antzuolako eta Elgetako EH Bildutik ere Azpeitira joateko dei egin diete herritarrei.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.