Artista txiki baina handiak, bikain kantuan

Asteburuan egin du Kantarik 6. aldiko azken geldiunea. Arrasateko 220 neska-mutikok eta Aramaioko 25ek jardun dute euskal kantuak abestu eta dantzatuz Amaia Udal antzokian. Familiartekoen eta lagunen animo eta txaloak jasoz, sekulako euskal kantuen festa ospatu da, beste behin.

Oraingo honetan ere izan da gonbidatu berezirik Kantarin. Bergarako Candem Twon dantza akademiatik ballet eta dantza urbanoen ikuskizun bikain bat eskaini zuten denen gozamenerako. Bestetik, azken aldietan bezala, kantarizale den Porrotxinek ez zuen hutsik egin eta gaztetxoenekin batera kantuan eta dantzan ibili zen bere 10. urteurrena ospatuz.

Asteburuan zuzenean saioez gozatzeko aukera izan eta gero, maiatzaren 26ko asteburutik aurrera izango dira ikusgai Goiena telebistan.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.