Debagoieneko hainbat enpresetako batzordek, tartean Elay, Recyde Elgeta, Txintxurreta, Auzolagun, Geslagun eta Garaykoek, Zubietako erraustegia gelditzeko eskatu dute, alternatibarik badela aldarrikatuz. Horren guztiaren gainean hitz egin zuten martitzenean Donostian eginiko jardunaldian.
ELA, LAB, STEILAS eta ESK sindikatuek bat egin dute ekimenarekin. ELAk Goienari helarazitako esku-orriak dio "Gipuzkoako jendarteak dituen benetako beharrei erantzuteko behar diren ehunka milioi euro guztiz kaltegarria den azpiegitura hau eraikitzeko" erabiliko dituela Aldundiak, eta hori "onartezina" dela azpimarratu du. Horrez gain, esku-orriak dio "beharrezko ez" izateaz gain, erraustegiak hainbat "kalte" eragiten dituela, "arlo ekonomikoan, osasunean eta ingurumenean".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.