Arte eta kultura adierazpen askotarikoen sortzaileekin solasaldiak itzuliko dira Goiena telebistara eguen honetan. Kulturrizketak saioan elkarrizketa edo solasaldi formula erabilita bi kulturgile egongo dira, aurrez aurre, kulturaz berriketan, modu librean.
Lehenengo bi protagonistak Zuriñe Hidalgo eta Amancay Gaztañaga abeslariak izango dira. Hidalgo Hesian taldeko abeslaria izateaz gain, irakaslea eta telebista-aurkezlea ere bada. Gaztañaga Grises taldeko abeslaria da eta sormenaren hamaika ertzetan mugitzen da. Biak hobeto ezagutzeko aukera izango dute Goiena telebistako ikus-entzuleek martxoaren 8an, 21:00etan.
2017ko uztailean, Goiena Komunikazio Taldeak ekoiztutako Kulturrizketak elkarrizketa saioak Andoaingo Udalak deitutako Rikardo Arregi kazetaritza saria jaso zuen. Mimoz egindako saioa da Kulturrizketak, eta sariak errekonozitu zion formula bera erabiliko du datozen programetan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak