Zuhaitz landaketak egin dituzte Oñatin eta Aretxabaletan

Zuhaitz Azoka eta zuhaitz landaketa izan dituzte aste bukaeran Oñatiko Ingurumen Jardunaldien barruan. Aretxabaletan ere Zuhaitz Eguna egin zuten domekan.

Zuhaitz Azoka eta zuhaitz landaketa izan dituzte aste bukaeran Oñatiko Ingurumen Jardunaldien barruan. Zortzi saltzaileak osatu zuten zapatuko Zuhaitz Azoka, horietatik hiru Oñatiarrak. Martxoko bigarren zapatuan egiten den azoka berezia egonkortutako hitzordua dela esan du Natur Eskolako Imanol Biainek eta salmentak, aurten, politak izan direla.

Atzo, domeka, zuhaitz landaketa egin zuten oñatiarrek kanposantu alboko maldan. Malda hori egonkortasuna emateko asmoarekin egin dute landaketa. Haritzak, haltzak eta gereziondoak sartu dituzte. Guztira, 90 bat zuhaitz. 30 bat lagun aritu ziren landaketa lanetan.

Aretxabaletan ere Zuhaitz Eguna

Aretxabaletan ere Zuhaitz Eguna egin dute domekan. Taldea 11:00etan elkartu zen Ibarra kiroldegian eta Basabeazpiko, Almengo eta Kurtebarriko ikasleek hartu zuten parte landatze lanetan. Aurreko urteetan moduan, Landaketa Taldie eta Makai Basogintza ibili dira koordinazio lanetan.

Erlazionatuak

Zuhaitz landaketak egin dituzte gaur goizean Oñatin eta Aretxabaletan

Aretxabaleta Oñati

Batetik, Oñatin Zuhaitz Azoka egin zuten atzo –zapatua– eta gaur goizean zuhaitz landaketa egin dute kanposantu alboko maldan. B...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.