Gau hotza izan da gaurkoa, -8 gradu inguruan markatu dute termometroek Debagoieneko hainbat herritan Aemet-en arabera. Goizeko lehen orduetan tenperaturak 0 gainetik kokatu badira ere, hotza eta izotza dira nagusi oraindik ere bailaran. Errepidean adi gidatzeko eskatu da Segurtasun Sailetik.
08:56ean, termometroak 1,5 gradu markatzen zituen Arrasaten.
Otsailaren 28ko iragarpena, eguaztena
- Alerta Laranja elurragatik 03:00etatik 12:00etara ordu lokala. Elur-kota 0-100 m inguruan egongo da. Prezipitazio txiki-ertaina egingo du, sarriago barnealdean. Egunaren lehen partean izotz txikia egingo du, barnealdeko zenbait lekutan handia. Aurreikusitako lodierak: 2-10 cm 1.000 metrora, 2-8 cm 600 metrora, 2-5 cm 200 metrora.
- Abisu Horia elurragatik barnealdean 12:00etatik 18:00etara. Elur-kota 300-400 m inguruan egongo da. Arratsaldean igo egingo da, 800-1000 m ingurura eta gauean 1.500 m ingurura. Prezipitazio txikia egingo du. Aurreikusitako lodierak: 0-5 cm 1.000 metrora, 0-2 cm 600 metrora, 0 cm 200 metrora.
- Abisu Horia haizeagatik haizeguneetan 06:00etatik 22:00etara. Hego-ekialdeko haize-boladak 100 km/orduko ingurukoak izan daitezke mendi inguruetan, bereziki ekialdean.
- Abisu Horia haizeagatik haizeguneak ez diren tokietan Gipuzkoan eta Araban 06:00etatik 22:00etara. Hego/hego-mendebaldeko haize-boladek 80 km/h-ko abiadura gaindi dezakete haizeguneak ez diren tokietan, bereziki ekialdean.