Bilatzaile berria dauka Goiena.eus-ek

Goiena 2018ko ots. 19a, 12:30

Erabiltzaileei eskaintzen zaien zerbitzua hobetzeko asmotan, Goiena.eus webguneko bilatzailea guztiz eraberritu da. Bilaketa zehatzak egiteko aukera eskaintzen da; albisteak ez ezik, hitzorduak, komertzioak edo komunitateko argitalpenak aurkitzeko.

Elhuyar bilatzailea

Google-eko bilatzailetik Elhuyarrek garatutako zerbitzurako aldaketa egin da. Google-eko bilatzailearen azkenengo bertsioek publizitatea txertatzeaz gain, euskarazko bilaketekin hainbat arazo ematen zituela atzeman zen Tokikom osatzen duten komunikabideetan. Hori dela eta, euskarazko bilatzaile baten aldeko apustua egin da.

Orain bilaketa sinplea edo bilaketa zehatzak egiteko aukera eskaintzen da: deklinazioak erabili daitezke; datak aukeratu; hitz gakoa albisteko zein partetan bilatu nahi den definitu; zein motatako albistea ikuskatu nahi den zehaztu -argazki galeria, bideoa, hitzordua...- edota emaitzak zein hurrenkeretan ikusi nahi diren hautatu.

Bilatzaile berri hau TOKIKOM Plataforma erabiltzen duten komunikabide guztietan aurkituko da aurrerantzean. Gainera, Goiena.eus-etik irten gabe, Plataforma hori erabiltzen duten beste 15 webguneetan ere egin daitezke bilaketak. Horretarako bilaketa zehatza egiteko aukera hautatu eta Webguneak atalean zerrendako beste komunikabideetako bat (edo guztiak) hautatu beharko da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak