Asteburuan egin dituzte 257 neska-mutikok Kantari karaoke ikuskizunerako azken entseguak. 58 taldetan banatuta, prest dute zozketa bidez prestatzea egokitu zaien kantua eta dantza. Antzuola, Elgeta eta Bergarako gaztetxoak izango dira Seminarixoa aretoan grabatuko diren 10 telebista saioetan.
Zuzenean ikuskizunaz gozatzeko aukera izango da datorren asteburuan, otsailaren 24, zapatua, eta otsailaren 25ean, igandea, Seminarixoa aretoan. Edonor joan daiteko gaztetxoekin batera euskal kantuak abestu, dantzatu eta hauekin gozatzera. Doakoa izango da ikuskizunaz gozatzeko aukera.
Bestetik, apiriletik aurrera izango dira ikusgai Bergaran grabatutako saioak Goiena Telebistan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.