Aloñako igoerako izen-ematea eguaztenean irekiko da

Apirilaren 22an egingo da hamalaugarrenez Aloñako igoera; izen-ematea urtarrilaren 31n irekiko da. Bestalde, laugarren Arrasate-Udalatx mendi lasterketako plaza kopurua bi egunetan agortu da, eta otsailaren 18ko Antzuolako 8 miliak lasterketan ere, izen-ematea itxita dago.

Mendi lasterketek arrakasta handia dute bailaran eta horren erakusle dira urte hasierako lasterketa garrantzitsuek izango duten partaide kopurua. Antzuolako VI. 8 miliak lasterketarako izen-emateak segituan agortu ziren, eta berdina gertatu da bi egunetan Arrasate-Udalatx lasterketarekin. Zapatuan ireki zen izena emateko aukera, eta antolatzaileek jakinarazi dutenez, dagoeneko bete dira 350 plazak.

Oñatiko mendi lasterketan izena emateko aukera eguaztenean irekiko da, eta beste bi lasterketetan bezala, plaza kopurua azkar betetzea espero da.

Antzuolako 8 miliak

Otsailaren 18an, domekan 10:00etan izango da lasterketa, eta 240 partaide izango ditu. 5. edizioaren ostean, lasterketaren etorkizuna zalantzan jarri bazen ere, iazko urte amaieran 6. lasterketa antolatzeko erabakia hartu zuten antolatzaileek, eta lasterkariek erabakia babestu dute parte hartze handiarekin.

Antolatzaileak bidea garbitzen ibili dira urtarrilean, aurrez entrenatzea nahi dutenek aukera izan dezaten.

Argazkia: @Antzuolako8milak (Facebook)

Arrasate-Udalatx

350 pertsonek eman dute izena Arrasate-Udalatx lasterketan. Zapatuan zabaldu zen izen-ematea eta bi egunetan bete da. Orain ordezkoen zerrendan izena emateko aukera dagoela jakinarazi dute Mondraitz taldeko antolatzaileek sare sozialen bidez. Apirilaren 15eko mendi lasterketan, Udalatx izango dute helburu lasterkariek. Ibilbideak 21 kilometro eta 1.200 metroko igoera metatua dauka.

Aloñako igoera

Arrasatekotik astebetera, apirilaren 22an egingo da Oñatiko lasterketa. 22,6 kilometroko ibilbidea Euskal Herriko Txapelketa izango da aurtengoan. Lasterketan izena emateko aukera urtarrilaren 31n irekiko da sailkapena.com webgunearen bidez. Eguaztenean goizeko bederatzietan hasiko dira izen-emateak.

 

Erlazionatuak

'Harmailatik': Aloñako 13. Igoeraren kronika

Arrasate Oñati

Aloñako 13. Igoerako bideo kronikarekin batera, eskubaloian, Izarraitz Muñozek igoera fasea jokatuko du Ford Mugarriri irabazi ostean...
'Harmailatik': Antzuolako 8 miliak lasterketaren erreportajea

Arrasateko atletek Espainiako atletismo txapelketan egindakoaren errepasoa, Antzuolako 8 miliak lasterketaren laburpena, eskubaloian Basauri-Izarra...
'Harmailatik': III. Arrasate-Udalatx lasterketako saio berezia

Arrasate

Harmailatik saio berezia, domekan Mondraitzek antolatutako Arrasate-Udalatx lasterketaren hirugarren edizioarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.