Garbiñe Mendizabal izango da Hizkuntza Berdintasuneko foru zuzendari berria

Eneko Azkarate 2018ko urt. 2a, 16:08

Hala eman du aditzera Gipuzkoako Foru Aldundiak. Mikel Irizar ordezkatuko du karguan tolosarrak. Euskal Filologian lizentziatua eta Euskararen Aholku Batzordeko kide, euskararen biziberritzearen aldeko lanean esperientzia zabala du Mendizabalek.

Garbiñe Mendizabal (Tolosa, 1961) izango da aurrerantzean Gipuzkoako Foru Aldundiko Hizkuntza Berdintasuneko foru zuzendaria.

Gaur egun Eusko Legebiltzarkidea da (EAJ). Euskal Filologian lizentziatua da eta graduondoko ikasketak egin ditu UPV/EHUn, HIZNET hizkuntza planifikazioan.

1991 eta 1995 urteen artean ere izan zen Foru Aldundiko Euskara zuzendaria.

Euskararen biziberritzearen alorrean ibilbide eta jakintza zabala dauka eta 2007tik hona Euskararen Aholku Batzordeko kidea izan da.

Mikel Irizarrek utzitako lekua hartuko du Hizkuntza Berdintasuneko zuzendaritzan, azken honek arrazoi pertsonalengatik urte amaierarekin batera bere kargua utzi ostean.

Datorren asteko gobernu kontseiluak onartuko du Garbiñe Mendizabalen izendapena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak