Nola ezabatu zure datuak sarean

Jokin Guridi 2017ko aza. 10a, 12:40

Sarean nabigatzerakoan oso erraza izan ohi da zerbitzuetan erabiltzaileak sortzea, baina ezabatzeak lan gehiago izaten du. Erabiltzaileak Interneteko zerbitzuaren elikagaia dira eta hainbat trikimailu izaten dituzte hauek ihes egin ez dezaten. Zer egin orduan, sarean utzitako arrastoa ezabatu nahi bada?

Banan banan joan daiteke lan hau egiten, baina erabilgarriak diren zerbitzu batzuk ere badira sarearen handitasunean. Account Killer izeneko webguneak zerbitzu ezagunetan baja emateko irizpideak biltzen ditu. Esaterako, Facebook, Skype, Twitter, Spotify edo Google bezalako zerbitzuetan baja emateko informazioa dago bertan eta hiru koloretan sailkatzen ditu zerbitzuak, kontuak ixteko erraztasunaren arabera. Zuriak errazenak dira eta beltzak, zailenak. Gainera, zerbitzu berriak gehitu daitezke. Zerbitzu honek duen ezaugarririk deserosoena, itxi nahi den zerbitzu bakoitzean sartu beharra dagoela da. 

Beste zerbitzu interesgarri bat, deseat.me deitzen dena da. Bertan, email helbide bati lotutako zerbitzu guztiak biltzen ditu eta botoi bakarrarekin, zerbitzu hauetan baja eman daiteke. Ahaztutako kontuak ixteko aukera egokia da, egin eta gogoratzen ez diren zerbitzu horiek ixteko. Hala ere, zerbitzu hauetan segurtasun arazoren bat egonez gero datu guztiak agerian uzteko aukera dago, beraz, banan banan ezabatzen joatea gomendatzen da. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak