Euria eta hotza dira egunotan protagonista. Atzean gelditu dira urriko eta santu guztien egunaren bueltako eguraldi epelak eta kostata, baina orain bai, esan dezakegu, iritsi dela udazkena Euskal Herrira. Lehen elur malutak erori dira mendietan, Aloñako gailurra zuri dago eta Arantzazun elurra ari du une honetan.
Hotza, ekaitz eran ere etorri da, euririk ez da falta izan asteburuan, eta ez da falta izango gaurtik datorren astelehenera bitartean gutxienez.
Euria gogotik ari da egiten eta poliki poliki ari da Urkuluko urtegia ere ur mailaren igoera sumatzen. Joan den astelehenean %52,27koa zen urtegiaren betetze maila. Gaur, %52,69koa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
