Zabor biltzaileen lan gatazkan aurre-akordioa lortu dute

Enpresa batzordeak, Mankomunitateak eta zerbitzua kudeatuko duen enpresa berriak aurre-akordioa lortu dute gaur eguerdian egindako bileran. Astelehen arratsaldean batzarra egingo dute langileek aurre-akordioa onartu ala ez erabakitzeko, eta batzarra egin arte normaltasunez egingo da zabor bilketa.

ELA eta LAB sindikatuetatik helarazi duten prentsa oharrean jakinarazi dutenaren harira, "eskatutako minimoak jasotzen dituen aurre-akordio bat" lotu dute hiru aldeek.

Akordiori buruzko xehetasunik ez dute eman, baina langileen batzarra egin arte zabor bilketa zerbitzua normaltasunez egingo da.

"Urriaren 16an hasi behar genuen hamar egunetako greba, egun batez etengo dugu eta astelehenean lan egiteko. Astelehen arratsaldean langileen batzarra deitu dugu, eta bertan akordio definitiboa berresten bada, greba bertan behera utziko dugu" adierazi du Enpresa batzordeak ohar bidez.

Mankomunitateak, bere aldetik, espero du hitzarmenak babesa jasotzea eta, hala, eragile guztien eta zerbitzua erabiltzen duten herritarren onerako izatea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.