Gorabehera gutxi langabeziaren bilakaeran

Hilabeteko lehen egunetan ohikoa den moduan, iritsi dira aurreko hileko langabezia datuak eta, erakusten dutenez, Debagoienean ez da ia aldaketarik egon: apur bat behera egin eta %8,43an geratu da tasa; beste modu batean esanda, 2.625 lagun zeuden irailean lan barik, abuztuan baino 20 gutxiago.

Urteko bilakaerari begiratuta, abuztuan etena izan zuen urtarriletik zetorren hoberako joerak baina, esan moduan, irailean zertxobait errekuperatu egin dira datuak berriz ere.

Herrika, beheranzko joera izan da Arrasate, Elgeta, Eskoriatza, Oñati eta Aramaion; aldiz, langabeziak gora egin du Antzuolan, Aretxabaletan eta Bergaran; eta Leintz Gatzagan, bere horretan geratu da. Arrasatek du langabe kopururik altuena eta Aramaiok baxuena.

Herriz herri

  • Antzuola: Irailean, 63 langabe, %5,67 (abuztuan, 58, %5,22)
  • Aretxabaleta: 257, %7,48 (247, %7,19)
  • Arrasate: 1.199, %11,49 (1.207, %11,56)
  • Bergara: 592, %8,19 (579, %8,01)
  • Elgeta: 38, %6,59 (50, %8,67)
  • Eskoriatza: 139, %6,84 (148, %7,29)
  • Leintz Gatzaga: 8, %5,80 (8, %5,80)
  • Oñati: 312, %5,74 (330, %6,07)
  • Aramaio: 17, %2,25 (18, %2,38)
  • Debagoiena: 2.625, %8,43 (2.645, %8,49)

Hego Euskal Herrian

Debagoienean moduan, Hego Euskal Herrian ere beheranzko bidea hartu du berriz langabeziak. Edozein kasutan, iraileko hobekuntza ez da nahikoa izan abuztuko jaitsiera konpentsatzeko. Araban, Bizkaian, Gipuzkoan eta Nafarroan 167.341 lagun daude lan barik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.