Kataluniaren alde mobilizatzeko deialdia: lapiko-jotzea eta itzalaldia

Pasa den domekako 'cassolada', Arrasaten.

Katalunian greba orokorrerako deialdia egin da gaurko, urriaren 1eko gertakariak direla eta. Horregatik, Euskal Herriko hainbat gizarte eragilek -tartean Gure Esku Dago-k-, Kataluniari babesa erakusteko deialdia egin dute.

Plazan, kalean edo etxeko balkoi zein leihoetan, gaur gaueko hamarretan argi guztiak itzali eta lapikoak eta kazolak jotzera animatu dira herritarrak. Horren aurretik, mobilizazioak ere deitu dira hainbat herritan 19:00etarako.

Arrasaten, Udal langileek biltzarra egingo dute 11:15ean, Kataluniaren egoera aztertzeko. Ostean, kalera irtengo direla jakinarazi dute. Horretaz gain, 22:00etako cassolada-ren eta itzalaldiaren aurretik, Kataluniari elkartasuna adierazteko 19:30etan mobilizatzeko deia egin da Arrasaten.

Domekan debagoiendar asko kalean

Urriaren 1ean, Kataluniako erreferendumari babesa erakusteko cassolada-k egiteko deialdia egin zen Euskal Herrian. Debagoienean herritar asko irten ziren kalera edo leihoetara zartagin eta kazolak astintzera. Katalunian, azken asteetan, egunero-egunero irteten dira katalan ugari kalera, minutu luzez lapiko-jotzeak egitera. Egunak aurrera joan ahala cassolada-k gero eta luzeagoak dira, eta lekukoen hitzetan, domekakoa Bartzelonan, orain arteko luzeena izan zen.


Argazkia: El Periódico

Erlazionatuak

Kataluniako erreferenduma 'Hemen Debagoiena' saioan

Debagoiena

Tarte berezia eskainiko diogu gaur, astelehena, Kataluniari, Hemen Debagoiena saioan, 18:00etan, 20:00etan eta 22:00etan. Gurekin izango dira: Irai...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.