goiena.eus

Eskualdetako interneteko domeinuak, Bilbon

  Teknologia  Debagoiena

Munduko eskualdeetako Interneteko domeinuen inguruko nazioarteko biltzarra egingo da Bilbon bihartik, osteguna, aurrera. Bertan elkartuko dira Interneteko domeinu geografiko eta komunitario nagusien ordezkariak. 

Irailaren 28 eta 29rako antolatu dute biltzarra eta bere helburua etorkizuneko Internet konfiguratzeko lan egitea eta lekuetarako eta komunitateetarako nortasun digitalak sortzea da. PuntuEUS fundazioa eta .eus domeinua dira nazioarteko biltzarreko anfitrioiak, baina bertan izango dira ere beste eskualdeko domeinuen ordezkariak ere. Esaterako, .paris, .nyc, .sidney, .wien, .cat, .barcelona, .bhz, .amsterdam, .swiss, .melbourne, .ruhr, .brussels, .berlin, .koeln, .africa, .capetown, .joburg, eta .durban bezalako domeinuetako ordezkariak izango dira Bilbon. 

Aurrerapen bezala, gaur, asteazkena, Juan Mari Aburto Bilboko alkatearekin elkartu dira Sebastien Ducos, GeoTLD Taldearen lehendakaria, eta Josu Waliño, PuntuEUS Fundazioko zuzendaria. Ducos, tokiko domeinuen sustapen eta defentsan ezaguna da sarean, egun Neustarren munduko hainbat domeinu kudeatzen baititu. Tartean, markak, izen orokorrak eta .nyc (New York hiria) bezalako domeinuak. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa