"Arrasateko Udalak ezin du inolaz ere onartu planteamendu hau"

Arrasateko udaletxea.

"Edesa Industrialen egoeraren inguruan entzun ditugun azken berriak onartezinak dira. Uztailaren 3tik enpresaren esplikazioen zain jarraitzen du Arrasateko Udalak", jakinarazi dute.

Prentsa ohar bidez, Edesa Industrialek egindako proposamenaren gainean, Arrasateko Udalak adierazi du ezin duela "inolaz ere onartu plantemanedu hau, eta adostutako lan mahaia lehen bai lehen martxan jartzea exigitzen diogu enpresari". 

"Prentsaren bitartez"

Jakinarazi du langileek atzo "bi akordio garrantzitsu" lortu zituztela enpresarekin: "garbiketa sekzioko 30 langile kaleratzeko Enplegua Erregulatzeko Espedientea bertan behera uztea eta proiektu berri baterako mahai bat osatzea hurrengo partaideekin: enpresako zuzendaritza, langileen ordezkaritza, markaren jabea den Fagor S.Coop eta Eusko Jaurlaritza. Ostera, ordea, eta betiko lez, prentsaren bitartez jakin dugu Enpresaren benetako intentzioa Arrasateko planta ixtea omen dela", gaineratu dute.

Hori horrela, dei egin die "inplikatutako alde guztiei mahai horretan eser daitezen irtenbideak bilatzeko helburuarekin. Arrasateko Udalak langileen eskubideen alde egingo duela argi utzi nahi du", bukatu du oharra.



Erlazionatuak

"Guri ez ziguten esan Garagartza itxiko zenik"

Arrasate Eskoriatza

"Plana ez digute aurkeztu; pentsatzen genuen zerbait mardula ekarriko zutela, baina jakinarazi zuten inbertsore industrial bat eta fondo inbertsore...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.