Whatsappek aldizka emotikono berriak gehietzen ditu bere aplikazioan. Azken hilabeteetan, eguneraketa ezberdinen bidez munduko herrialde ezberdinetako banderen emotikonoak agertu dira aplikazioan, momentuz 200 bandera baino gehiago daude erabilgarri. Hala ere ikurrina ez dago emotikono hauen artean, eta hori da Harkaitz Galarragak aurrera eraman nahi duen eskaera.
Aurreko astean hasi zen sinadura eskaera eta lerro hauek idazten direnerako 16.932 lortu dira jada, hala ere, etengabe igotzen ari da sinadura kopurua. Sare sozial eta hedabideetan emandako informazioari esker azkar zabaldu da eskaera gure lurraldean.
Ikurrina Whatsappeko emotikono bihurtzeko sinadura emateko klikatu hemen.
Saint Pierre et Miquelon
Azken asteetan sarean asko hitz egin da Saint Pierre et Miqueloni buruz, izan ere, Whatsappeko banderaren emotikonoan ikurrina ageri dela ohartu dira erabiltzaile batzuk. Aurretik ere hedabideetan irtendako gai bat bada ere, askorentzat ezezaguna zen eta interes handia piztu du.
Saint Pierre et Miquelon Amerika iparraldean kokatzen den artxipelago bat da eta uste denez Miquelon hitza garai batean Euskal Herritik joaten ziren Mikel izeneko arrantzaleen ondoriozkoa da. Euskal Herriarekin erlazio handia dauka gainera, adibidez, abuztuko azkenengo astean egiten den Fête Basque ospakizunean euskal kirolen erakustaldia egoten da. Euskal Etxea eta Zazpiak-Bat izeneko elkartea ere badituzte.