Murugaingo indusketak beste urtebetez

Jokin Bereziartua Lizarazu 2016ko urr. 5a, 15:50

Ondare Babesako arkeologoak, Etor Telleria –erdian– arduraduna barne, 2014ko Murugaingo indusketetan.

Arrasateko eta Aramaioko Udalek hitzarmena sinatu dute aurten ere Ondare Babesa arkeologia enpresarekin, Murugaingo indusketekin jarraitzeko. Arrasateko Udalak 8.000 euro bideratuko ditu eta Aramaioko Udalak ere hartuko du parte proiektuan. 36ko gerrako aztarnez gain, aurten Burdin Aroko aztarnak bilatzeko ahalegin berezia egingo dute. Auzolanetarako bi zita aurreikusita dituzte, urriaren 15ean eta 22an; bisita gidatu bat ere egingo dute, urriaren 29an.

Indusketak urriaren 3an hasi zituzten eta urriaren 28ra arte luzatuko dira. Fase berri honetan Murugaingo mendebaldeko mendi magala aztertu nahi da eta orain arte haztatu gabeko sektore batean jartzen da interesa. Hala ere, beste eremu berri bat ikertu nahi dute, mendiaren ekialdean. Lauagoa den eremu honetan Burdin Aroko zantzu batzuk aurkitu ziren 2011n, eta ildo horretan zundaketa sare bat proposatu dute.

Aramaio Arrasate