Burdin Aroko zeramika zatiak topatu dituzte Murugainen

Mireia Bikuña 2015ko urr. 25a, 18:24

Ondare Babesa elkarteak deituta hemezortzi lagun ibili dira indusketak egiten. Zeramika zatiez gain botila zatia eta bala-zorroak topatu dituzte. Bestalde, Burdin Aroko eta gerra garaiko aztarnak ikusteko bisita gidatuan 50 bat lagunek parte hartu dute.

Urrian zehar herritarrekin egindako indusketak bukatu dituzte Murugainen. Bi zapatutan egindako lanaren ostean "pozik" daude Ondare Babesa elkarteko kideak. "Oso gustura ibili gara. Hemezortzi lagun elkartu gara. Gehienak aramaioarrak, baina Andoaindik etorritakoak ere izan ditugu. Aztarna gehiago topatu ditugu, baina oraindik badago non begiratu", esan du elkarteko kide Etor Telleriak.

Aurtengo indusketak bukatuta, hurrengo astean Ondare Babesa elkartekoen txanda izango da. Urriko lanak bukatutzat emango dituzte.

Bisita gidatua

Bestalde, orain arte induskatutako lekuetatik bisita gidatua egin dute. Ordubete inguruko bisita izan da eta 50 bat lagunek parte hartu dute. Murugainen aurkitutakoak eta aurkikuntza horien testuinguru histokikoa azaldu dute Ondare Babesa elkartekoek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak