Uztaila 2016ko langabezia tasa baxuenarekin bukatu zen Debagoienean, %10,06ko tasarekin, eta abuztuan pixka bat gora egin du langabeen kopuruak, %10,51ko langabezia tasara heldu arte. Langabeen kopuruak, gainera, herri guztietan egin du gora.
Hala ere, abuztuko datua urteko hirugarren onena da, uztailaren (%10,06ko langabezia tasa) eta ekainaren (%10,41eko langabezia tasa) atzetik.
Iaz ere, abuztuan gora egin zuen langabezia tasak herri guztietan. Hala ere, orduan langabezia tasa %11,8koa zen, gaur egun baino ia puntu eta erdi handiagoa.
2016ko abuztuko datuak, herriz herri:
- Antzuolan 88 langabe daude (%8,10eko langabezia tasa)
- Aramaion 27 langabe daude (%3,56ko langabezia tasa)
- Aretxabaletan 271 langabe daude (%7,9ko langabezia tasa)
- Arrasaten 1.402 langabe daude (%13,44ko langabezia tasa)
- Bergaran 716 langabe daude (%10,26ko langabezia tasa)
- Elgetan 54 langabe daude (%9,11ko langabezia tasa)
- Eskoriatzan 198 langabe daude (%9,78ko langabezia tasa)
- Leintz Gatzagan 7 langabe daude (%5,11ko langabezia tasa)
- Oñatin 417 langabe daude (%7,84ko langabezia tasa)