Langabeziaren beheranzko joera, are nabarmenagoa uztailean (%10,09)

Martxotik uztailera bitartean nabarmen ari da jaisten langabezia-tasa Debagoienean. Espainiako Enplegu Zerbitzuak eman dituen datuek hala diote. Uztailean, 3.025 (%10,09) debagoiendar langabe zeuden, 2015ean –3.425 langabe, %11,41– baino 400 gutxiago, hain justu. Hau da, aurtengo langabezia-tasaren mailarik baxuena eman da uztailean Debagoienean.

Martxotik ematen ari den beheranzko joera nabarmendu egin da uztailean. Antzuolan eta Elgetan egin dute gora langabe kopuruek eta Leintz-Gatzagan kopurua mantendu egin da, baina eskualdeko gainerako herrietan behera egin dute langabeek. Azpimarratzekoa da oraingo Debagoieneko langabezia-tasa (%10,09) oso gertu dagoela %10eko langatik jaisteko, krisi ekonomikoa hasi zenetik urruti egon den langa. Arrasatek jarraitzen du langabe gehien izaten, %13,09ko tasarekin.

2016eko uztaileko langabezia datuak Debagoienean:

  • Antzuola: 78 (+1), %7,18

  • Aretxabaleta: 264 (-14), %7,69

  • Arrasate: 1.365 (-52), %13,09

  • Bergara: 688 (-15), %9,86

  • Elgeta: 51 (+7), %8,60

  • Eskoriatza: 191 (-3), %9,43

  • Leintz Gatzaga: 6 (=), %4,33

  • Oñati: 382 (-21), %7,18

  • Debagoiena: 3.025 (-97), %10,09

  • Aramaio: 25 (-2) %3,30

 

2015eko uztaileko langabezia datuak Debagoienean:

  • Antzuola: 94 , %8,62

  • Aretxabaleta: 300 (+8), %8,87

  • Arrasate: 1.516 (-16), %14,63

  • Bergara: 842 (-18), %12,01

  • Elgeta: 44 (+5), %8,12

  • Eskoriatza: 212 (-8), %10,41

  • Leintz Gatzaga: 5 (=), %3,70

  • Oñati: 387(+2), %7,37

  • Debagoiena: 3.425 (-25), 11,41

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.