Debagoiena Zutik: "Gutxi batzuen patrikak beteko dituen azpiegitura eraikitzeko lehen urratsa eman du GHK-k"

Debagoiena Zutik! plataformak Zubietako errauskailuaren aurka jarraitzen du protestan. Atzo, uztailak 28, Gipuzkoako Hondakinen Kontsortzioak errauskailua eraiki eta kudeatzeko esleipen prozesua abiatu izana salatu dute, bideo eta guzti: "Gutxi batzuen patrikak beteko dituen azpiegitura eraikitzeko lehen urratsa eman du GHK-k, gure osasuna gutxietsiz".

Debagoiena Zutik! plataformaren arabera, atzo GHK-k sinatutako lizitazioarekin bide eman zaie hainbat ondorio kaltegarriri: "2051ra arte gipuzkoar guztiok zorpetuko gaituzte; udalentzat erraustegiaren ondoriozko zorrak lehentasuna edukiko du beste edozein gasturen aurretik, berdin dio sozial edo beste; udalen batek GHK-tik irten nahi badu, ordaindu beharko dio 2051arte onartutako kostua eta bera joateagatik gainerako udalei eragindako edozein aldaketa; herrian sortutako hondakinak ezingo dizkiogu beste inori saldu edo eman, hau da hondakin guztiak erraustegira eramango dira; herriek ezingo dute birziklapena sustatzen duten sistemak martxan jarri; erraustegi ondoan bizitzeak %3an handituko du minbizia izateko arriskua". Horren guztiaren aurrean, alternatiba "garbiago, merkeago eta osasungarriago" baten alde apustu egiten dutela azpimarratu dute, besteak beste.

Erlazionatuak

Markel Olano: "Gipuzkoako gehiengoaren borondateari bide emango diogu Zubietako erraustegiarekin"

Debagoiena 3

"Historikotzat" hartu du Diputazioko gobernuak gaurko eguna, uztailaren 28a. Izan ere, Zubietan eraikiko den Ingurumen Gunea lizitatuko dute gaur. ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.