Pello Rodriguez da Mondragoneko Makina-Erreminta eta Industria Automatizazioko presidenteorde berria

Pello Rodriguez.

Mondragonen Kongresu Kooperatiboko Batzorde Iraunkorrak, Javier Goienetxeak presidituta, Pello Rodriguez Makina-Erreminta eta Industria Automatizazioko dibisioetako lehendakariorde berri izendatzea erabaki du gaur.

Pello Rodriguezek Iñigo Uzin ordeztuko du karguan bi dibisioen burutzan, datorren abuztuaren 1etik aurrera, Uzin Mondragoneko Kontseilu Orokorreko lehendakaritza sartzen denean.

Pello Rodriguez Urretxun jaio zen (Gipuzkoa), 1975ean, eta goi mailako industri ingeniaria da, mekanikako espezialitatean, Bilboko Industria Ingeniarien Goi mailako Eskola Teknikotik, eta goi mailako industri ingeniaria da antolamenduan espezializatua ere, Parisko L´école Nationale Supérieure d’Arts et Métiers zentrotik.

Bere ibilbide profesionala Danobatera lotuta dago, bertan hasi baitzen produkzio zuzendari eta proiektuen kudeatzaile General Electricentzat. 2003an Ingalaterran Newall UK Ltd.eko operazioen koordinatzailea izan zen, eta han enpresa erosi berria Danobaten egituran integratzen jardun zuen. Ingalaterratik Danobatek Alemaiako Herbornen zuen Overbeck GmbH enpresara joan zen, plantako gerente eta Danobateko artezketa unitateko zuzendari lanetan. 2010ean Danobateko torneaketa lantegiko zuzendari izendatu zuten eta, ondoren, 2013an, Danobateko gerentea izan zen.

Erlazionatuak

Pello Rodriguez izango da DanobatGroupeko zuzendari nagusi berria

Bergara

Pello Rodriguez izango da DanobatGroupeko zuzendari nagusia, Iñigo Uzinen ordez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.