Gaur, astelehena, hasten da autolikidazio proposamenak onartzeko epea

Gaur, apirilak 11, hasten da Foru Ogasunak prestatu dituen autolikidazio proposamenak onartzeko epea, hala nahi bada. Proposamenok ikusgai daude Interneten joan den eguaztena ezkero.

Proposamenak onartzeko bi modu daude: Internetez, Ogasunaren webgunetik bertatik, edo 902 100 040 telefonora deituta.

Onartu aurretik, aldaketak egin daitezke proposamenaren zenbait ataletan, honako hauetan, hain zuzen ere:

  •     etxebizitza errentan emateagatik lortutako etekinak.
  •     kuota sindikalaren kenkaria.
  •     dohaintzen kenkaria.
  •     ohiko etxebizitza errentan hartzeagatik aplikatutako kenkaria.

Gainera, aurreneko aldiz, hauek ere aldatu ahal izango dira:

  •     lokalak errentan emateagatik lortutako etekinak.

Proposamenak Internet bidez onartzen badira, onarpenaren unean eskuratuko da aitorpena aurkeztu izanaren frogagiria. Telefonoz onartuz gero, frogagiria postaz jasoko da, onarpenetik egun batzuetara.

Lehen aldiz, proposamena onartzeko unean, posible da zerga helbidearen aldaketa jakinaraztea.

Beste berritasun bat da aukera ematen dela adierazteko ez direla postaz jaso nahi Ogasunak hurrengo kanpainetarako presta ditzakeen autolikidazio proposamenak.

Aitorpen mekanizaturako txanda hartzeko epea apirilaren 15ean, egubakoitza, hasiko da, eta hori egiten duten zergadunek telefono mugikorreko zenbaki bat ematen badute, aurreko egunean SMS bat jasoko dute, hitzordua hartuta dutela gogorarazteko.

Erlazionatuak

Errenta aitorpena euskaraz egitera animatzeko kanpaina hasi dute lau udalek

2015eko errenta aitortzeko garaia gainean daukagu. Hain zuzen, datorren astetik aurrera, autolikidazio proposamenak onartu ahal izango dira. Bailar...
Argitara eta kontsultatzeko moduan dago errenta aitorpenaren gaineko araua

Debagoiena

Errenta kanpainaren foru agindua argitaratu da gaur, apirilak 4, Gipuzkoako Agerkari Ofizialean. Apirilaren 1ekoa da foru agindu hori, eta 2015eko ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.