Mondragon Unibertsiateak 2016an partidu bakarra irabazi du etxean, eta tendentzia negatibo horri bihar, zapatua (18:00, Iturripe) eman gura diote amaiera. Hain zuzen, kontrario zuzen bat izango dute aurrean, sailkapenean hiru puntu gutxiago dituen Palentziako Venta de Baños taldea: "Taldeak gogo handia du gure zaleen aurrean garaipen bat lortzeko", adierazi du Josu Larreategik.
Bi garaipen jarraian, kanpoan
Joan den astean Burgosen irabazi izanak (82-96) indarra eman die zuri-moreei –etxetik kanpora jarraian lortutako bigarren garaipena izan zen–: "Partidu zoragarria jokatu zuen taldeak, kontrarioak ezin izan zuen gure erritmoa apurtu eta lau laurdenetatik hiru guk menperatu genituen.
Natra Oñatik hilabete txarra
Azken hiru asteotako joera txarra eteteko aukera izango du Oñatiko saskibaloi taldeak domeka eguerdian, Mungiaren kontra (12:00, Zubikoa). Mungia hirugarren dago sailkapenean, oñatiarrek baino bi puntu gehiagorekin.