Hizkuntza Berdintasuneko zuzendaritza nagusiaren ekimenez bideratu dituzte diru-laguntzok.
Hauek dira laguntza jasoko duten jarduera ildo zehatzak:
- Euskara sustatzeko proiektu eta jarduerak.
- Lantokietan prestakuntza aldiak euskaraz egitea.
- Euskararen erabilera soziala normalizatzeko tokiko planak.
- Itzulpen praktikak egiteko bekak.
- Gipuzkoan euskaraz emititzen duten toki telebistak.
- Informazio eta komunikazio teknologiak erabiliaz, edukiak hedatzeko proiektuak.
- Gipuzkoan euskaraz emititzen duten irratiak.
Gipuzkoako Foru Aldundiak 1.882.643 euro bideratuko ditu aipatutako jarduerak sustatzeko. "Euskararekiko babesari eusten zaio, murrizketarik gabe, guretzako apustu estrategikoa delako" adierazi du Imanol Lasak, Foru Aldundiaren bozeramaileak.
Aurreratu duenez, Mikel Irizar buru duen Hizkuntza Berdintasuneko zuzendaritzak partaidetza prozesua jarriko du martxan euskaltzale eta euskararen arloko eragile guztiekin, "helburu estrategikoak definitzeko" eta sektoreak dituen erronkei "elkarlanean" aurre egiteko. Lasak aurreratu duzuenez, prozesu honek 2017ko diru-laguntza deialdian edukiko du isla.