Beheranzko joerari eutsi dio urtarrilean langabeziak

Otsailaren bigarrenak urtarrileko langabezia datuak utzi ditu eta, abenduko datuekin alderatuta, ez da gorabehera handirik egon: langabezia tasa %11 zen iazko azken hilabetean eta zertxobait baxuagoa izan da aurtengo lehen hilabetean, %10,94. 3.282 langabe, beraz, Debagoienean.

Aldiz, 2016ko urtarrileko datua 2015eko garai berekoarekin konparatuz gero, esan daiteke aurtengo urte hasiera iazkoa baino dezente hobea izan dela. Izan ere, orduan baino 466 langabe gutxiago daude orain.

Hori eskualdeko irakurketa; baina errepasoa herririk-herri eginez gero, bilakaera gorabeheratsuagoa izan da: langabezia jaitsi egin da Aretxabaletan, Arrasaten, Bergaran eta Leintz Gatzagan; aldiz, gora egin du Elgetan, Eskoriatzan eta Oñatin; eta bere horretan mantendu da, Antzuolan.

Bukatzeko, Hego Euskal Herrian, gora egin du langabeziak urte hasieran: Espainiako Lan Ministerioaren datuen arabera, 6.745 langabe gehiago daude Araban, Bizkaian, Gipuzkoan eta Nafarroan; abenduan baino %3,5 gehiago. Edozein kasutan, eta igoera nabarmena den arren, 2008tik izan den txikiena da; urtarrilean erregistratutako gorakadak handiagoak izan dira azken urteetan.

Langabezia tasa, herririk herri, 2016ko urtarrilean:

  • Antzuola: 82 (%7,55)
  • Aretxabaleta: 287 (%8,36)
  • Arrasate: 1.474 (%14,13)
  • Bergara: 755 (%10,82
  • Elgeta: 55 (%9,27)
  • Eskoriatza: 207 (%10,22)
  • Leintz Gatzaga: 6 (%4,38)
  • Oñati: 416 (%7,82)
  • DEBAGOIENA: 3.282 (%10,94)

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.