Delitu eta arau-hausteek, orokorrean, behera egin zuten iaz Segurtasun Sailak jakinarazi duenez

(Irekia.com)

Iaz 1.000 biztanleko delitu-tasa 38,37koa zen Euskadin, 2010ean aldiz, 42,76koa. Segurtasun Sailaren arabera, "nabarmen" murriztu dura gizartean alarma pizten duten arau-hausteak, esaterako, indarkeriazko lapurretak eta etxebizitzetakoak. Hala eta ere, gizahilketak 11 izan ziren 2015ean EAEn eta gora egin dute sexu-askatasunaren aukako gertakariek.

2015 urteko delituen balantzea aurkeztu du Segurtasun Salak eta nabarmendu da lau puntu baino gehiago egin duela behera delitu-tasak sei urtetan. Horren berme bezala, deliturik astunenak prebenitu eta ikerketa sustatzeko egina duten plangintza estrategikoa aurkeztu dute. Datutan erakutsi dutenez, hiru hiriburuetan, hiru lurraldeetan eta hiri nagusietan jaitsi da kopurua.

Gizahilketen kopurua, ordea, "pixka bat" igo da 2015ean aurreko urtearen aldean; hain zuzen ere, 10etik 11ra.
Behera egin du lesioen kopuruak 2015ean (-% 3,08), bai eta tortura eta osotasunaren kontrako gisa tipifikatutako arau-hausteak ere (-% 3,66). Horien barruan, familia barruko tratu txarrek gora egin dute (% 9,53), baina murriztu egin dira familia barruko ohiko tratu txarrak (-% 4,05).


Sexu-askatasunaren kontrako gertakariek, bestalde, gora egin dute (% 1,64). Horien barruan, behera egin dute sexu-erasoek (-% 7,28), eta, gora, berriz, sexu-askatasunaren kontrako beste arau-hauste  gisa sailkatutakoek (% 7,91).


Lapurretak eta ebasketak

Ondarearen kontrako arau-hausteen arloan pixka bat egin dute behera 2015ean (-% 0,76). Lapurretak murriztu dira gehien (-% 12,29), eta, horien barruan, etxebizitzetako indarkeria bidezko lapurretak (-%21,13). Azken horiek, bada, jaitsi egin dira bai etxebizitzen kasuan (-% 29,66), bai trasteleku eta horien ondoko eraikinetan (-% 10,98). Murriztu egin dira, halaber, indarkeria edo larderia bidezko lapurretak (-% 10,49). Aldiz, areagotu egin dira ibilgailu-lapurretak (% 34,01) eta iruzurrak (% 21,57). Azken horren kasuan, zalantzarik gabe, salerosketa informatikoek gora egin dutelako.   

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.