Areto futbolean orain arte ezagutu ez den derbi historikoa jokatu zen atzo Aretxabaletako Ibarra kiroldegian, UDA eta Eskoriatzaren artean. Eskoriatzarrak izan ziren nagusi ia partidu osoan zehar baina etxekoek azken txanpan buelta eman zioten markagailuari. Amaieran, 5-4 UDAren alde.
Hasieratik igarri zen atzokoa ez zela edozein partidu, harmailetatik hasita. Izan ere, Aretxabaletako eta Eskoriatzako jarraitzaileen babesik ez zitzaien falta jokalariei. Esandako moduan, eskoriatzarrak aurretik joan ziren markagailuan ia partidu osoan zehar (0-1, 0-2, 1-2, 1-3, 2-3, 2-4).
Amaieran, baina, aretxabaletarrek atezaina ere jokalari moduan jarri zuten eta eman zuen bere fruitua, hiru gol ia jarraian egin eta garaipena lortu zutelako (5-4).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
