Aretxabaleta eta Eskoriatza, derbi "historikoa" areto futbolean

Xabier Urtzelai 2015ko abe. 15a, 17:15
Aretxabaletako eta Eskoriatzako taldeak, urrian Manuel Muñoz kiroldegian jokatutako lagunartekoan.

Areto futbolean aspaldikoak dira Debagoieneko ordezkariak maila goreneko kategoriatan lehiatzen ziren sasoiak, baina Eskoriatzak urteak daramatza Euskadiko Txapelketari duintasunez eusten, eta aurten gonbidatu berri bat dute: Aretxabaleta. Hala, bi taldeen arteko derbi historikoa izango da zapatuan (17:30, Ibarra kiroldegia).  

Ligako 13. jardunaldira arte itxaron behar izan dute zaleek bi talde horiek zein baino zein gehiago ikusteko. Egia esateko, bietako inor ez dabil ligan ikusgarri, baina eskoriatzarrak dagoeneko seigarren daude sailkapenean, azken bost partiduetatik lau irabazita –joan den astean 3-6 galdu zuten hirugarren dagoen Muskizen kontra–.  

Aretxabaleta, berriz, iritsi berria da kategoria horretara, eta ligako lehenengo hilabete eta erdian ondo igarri zuten hori –hiru porrot eta bi berdinketa– baina badirudi poliki-poliki neurria hartu diotela kategoriari, eta bolada ederrean dira, azken hiru partiduak irabazi egin dituzte-eta. Hala, bi taldeen artean bi puntuko aldea baino ez dago. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak