Halaber, Adegiko ordezkariek egoera ekonomikoaren eta etorkizunari begirako aukeren berri eman diote Olanori enpresen ikuspegitik.
Aldundiak ekonomia egitasmoak aurrera eramateko diseinatutako kontaktu errondan kokatzen da bilera. Diputatu nagusiak asmoa du ehun sozio-ekonomikoko ordezkarien ikuspegia lehen eskutik ezagutzeko, ondoren bere politika ekonomikoren oinarriak zein krisiaren aurkako plana zehazteko -50 milioi inbertituko dira alor horretan-. “Ekonomiarekin zerikusia duten eragile guztiekin lankidetza estua eduki nahi dugu; enpresekin, eta beste guztiekin”, azpimarratu du.
Joan den astelehenean egindako agerraldian, Olanok aurreratu zuen jada prozesu horretan “pertsonalki” inplikatuko zela, eta jarduera ekonomikoa sustatzea izango zela “legealdiko lehentasun nagusia”: “Errekuperazio ekonomikoan eragile aktiboa eta positiboa izateko borondate irmoa du Foru Aldundiak”.
