Euriteengatik abisu laranja ezarri du Segurtasun Sailak 15:00etatik aurrera

Azken egunotako sapak bere ordaina izango du datozen orduetan eta euri jasak eta ekaitzak egongo dira. Txingor arriskua ere ez dute baztertzen Euskalmeten iragarpenek, indar bereziarekin gainera Euskadiko ekialdean. Euri jasak intentsitate handikoak izango badira ere, Euskalmetetik zehaztu dute azkar igaroko direla. Arreta, ostera, bereziki errepidean, ezinbestekoa izango da, baltsak sortuko baitira eta haizeak gogor joko duelako. Ekaitz giroak bihar goizean ere eutsiko dio eta giroa hoztu egingo du ondorioz.