Elurra ari du dagoeneko 500 metrotik gora

Denboraleak nagusiki kostaldea joko badu ere, barrualdean eguraldiak ere ez du atsedenik emango. Alerta horia ezarri du Segurtasun Sailak, haize eta elurrarengatik. Elurra 500-700 metrora egin dezake egunean zehar eta horregatik, arreta handiz gidatzeko eskatzen da mendate nagusietan. Horren erakusle, goizean goiz, Arantzazun eta Kruzetan ateratako argazkiak, zuritu egin du-eta bazterretan.