Baserri inguruetan sortzen diren plastikoak biltzeko aurtengo egutegiaren berri eman dute

Debagoieneko hainbat landa inguruetan hilean behin batuko dira plastikoak. Arrasateko baserri eremuetan, Gatzagan, Bergarako Elosun eta Elgetan, berriz, aurrez telefonoz deitu beharko da derrigorrez. 

Debagoieneko Landa Garapen Elkarteak prentsa ohar bidez aditzera eman du baserri ingurunean sortutako plastikoen bilketa egutegia. Proposatzen diren bilketa lekuren bat aldatzea nahi bada honako telefono zenbakira deitu beharko da: 943 76 25 47. 

Honakoaki izango dira batuko diren plastiko motak: siloa estaltzeko erabiltzen den plastiko beltza, belar boletan erabiltzen den plastiko beltza, negutegietan eta ortuan lurra estaltzeko erabiltzen den plastiko beltza eta negutegiko plastiko zuria. Bestalde, adierazi dute plastikozko sokak ez direla batuko. 

2015ean honakoak izango dira plastiko horiek ateratzeko egunak: urtarrilaren 27a, otsailaren 24a, martxoaren 24a, maiatzaren 26a, uztailaren 28a, irailaren 22a, azaroaren 24aeta abenduaren 22a. Plastikoa arratsaldez utzi beharko dira. 

Bilketarako lekuak 

Eskoriatza: 
-    Zarimutzeko bidekurutzea.

Aretxabaleta: 
-    Lausita, Izurieta bidegurutzetik 100 m-tara.
-    Bainuetxe, Mendiolako bide parean.
-    Oroko bidegurutzean.

Antzuola:
-    Ekarpen gune ondoan.

Oñati: 
-    Zanartu, Zuazola inguruan.
-    Murgialdai, Asentsio ermitan.
-    Olabarrieta, autobus geltokian.
-    Musika Eskola gainaldean. 

Bergara: 
-    Ugarrixa, granja parean.
-    Muinondo, trenbide ondoan.
-    San Juan auzoko eliza aurreko plazan.

Arrasateko Udala, Bedoña eta Garagartza auzoetan Gatzagako Dorletako bidegurutzean, Bergarako Elosun eta Santutxun eta Elgetan noiz behinkakoa izango da bilketa eta horregatik aurrez telefonoz deitu beharko da derrigorrez: 943 76 25 47.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.