Bailarako ordezkariak bikain, First Lego League lehiaketan

Txapelketako hirugarren saria eskuratu zuen Arizmendiko talde batek eta hurrengo kanporaketarako –Espainiako txapelketarako– sailkatu da. Tenerifen jokatuko da kanporaketa hori. Bergarako Mariaren Lagundiako ikasleek, berriz, Innobasque saria eskuratu zuten, robotaren mekanika onenari emandako saria, hain zuzen.

Zapatuan Zamudion jokatu zen  gazteak zientzia eta teknologiara hurbiltzeko asmoa duen First Lego League lehiaketako EAEko kanporaketa eta bertan parte hartu zuten bailarako bi ikastetxetako ikasleek: Arizmendi eta Mariaren Lagundiakoek.

Arizmendikoak bosgarrenez ari dira txapelketan parte hartzen eta Arizmendi-Ikerlan-MUren lau taldek jokatu zuten lehen fasea Zamudion. Txapelketako hirugarren saria eskuratu zuen, gainera, horietako talde batek eta hurrengo kanporaketarako –Espainiako txapelketarako– sailkatu da. Tenerifen jokatuko da kanporaketa hori.

Bergarako Mariaren Lagundiako ikasleek, berriz, aurten hirugarren aldiz hartu dute parte lehiaketan eta parte hartu zuen taldeak Innobasque saria eskuratu zuen, robotaren mekanika onenari emandako saria, hain zuzen.

Robotekin hiru misio egin behar izan zituzten ikasleek eta proiektu zientifikoa ere azaldu behar izan zuten gazteek Zamudion. "Gure gazteek oso lan ona egin dute, umore onez, jarrera bikainarekin eta adiskidetasun handiz lehiatu dira. Guztiak izan dira txapeldunak", azaldu zuen Arizmendiko Mikel Egiguren irakasleak zapatuko lehiaketaren ostean. Mariaren Lagundiko Ekaitz Azula irakaslea ere pozik zegoen ikasleen lanarekin: "Oso gustura ibili gara. Gazteentzat esperientzia ona izan da, kontaktuak eta lagunak ere egin dituzte. Ondo ibili dira eta espero ez genuen saria ere eskuratu dute. Pozik etorri gara etxera".

Erlazionatuak

Arizmendi eta Mariaren Lagundiako ikasleak, First Lego League lehiaketan

Arrasate Bergara

Gaur, zapatua, Arizmendiko eta Mariaren Lagundiako ikasleak First Lego League lehiaketako EAEko kanporaketa jokatzen ari dira Zamudion. Arizmendiko...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.