Informazioaren Gizarteari buruzko inkesta kaleratu berri du Eustatek, Euskal Estatistika Institutuak. Debagoiena nabarmen agertu da inkestan 10 behargin ala gehiagoko enpresen artean, Informazio eta Komunikazioaren Teknologietan (IKTak) ondoen hornituta dagoen eskualdea dela. Hala, enpresen %96,7ak du Interneterako konexioa. Deigarria da, baita ere, kode-irekiko programak erabiltzen dutenen artean ere, ehuneko oso altua dela: %85,1.
Euskarazko web gehien
Debagoienean, era berean, enpresen euskarazko webguneen proportzioa handia da, gainontzeko eskualdeekiko alde nabariarekin. Hala, enpresen %74,8k dute webgunea euskaraz; Gipuzkoako %61,1eko batez bestekoaren gainetik eta, oso gainetik, hiru probintzien bataz bestekoari erreparatuz gero, %47,2.
