Twitterri 900 milioiko audientzia kalkulatu diote

Jon Berezibar 2014ko aza. 16a, 08:56

Irailerako, 284 milioi erabiltzaile zituen erregistratuta sare sozialak. Hedabide eta ohiko elkarrizketetan ere, hizpide da jada Twitter baina sarearen benetako inpaktuaren datuak beti lausoak izan dira. Konpainiak berak, orain, audientzia ikertu eta datuak eman ditu jakitera. Twitterren arabera, 600 eta 900 milioi erabiltzaileren artean koka daiteke audientzia globala.

Kopururik handiena kalkulatzeko, sare sozialeko erabiltzaileak bakarrik ez, logeatu barik irakurtzen dutenak eta bestelako webguneetako txertaketen bidez ere irakurtzen duten  erabiltzaile kopurua hartu dute kontuan, izan ere, hedabide askotan jasotzen dira zuzenean Twitterren esandakoak. Dick Costolo zuzendari nagusiak emandako datuak dira eta audientziarekin batera, konpainiak egiten duen diruaren berri ere eman du Costolok. Hala, aurtengo hirugarren hiruhilekoan galerak izan dituzte, 175 milioi dolar uztaila eta iraila bitartean baina  zehaztu gura izan dute iaz baino %115 salmenta handiagoak izan dituzte eta iragarri dute laster irabazi epean sartuko direla. Twitterren irabazien %88 zuzenean publizitatetik sartzen da eta gainontzeko %12a jasotzen dituzten datuen salmenta ala lizentziarengatik eskuratzen dute. Guztira, urtean 1.200 milioi dolarreko negozioa egiten du Twitterrek eta azken hilabeteetan sarrerek oso gora egin dute.

Datuen gerra

Datuen norgehiagoka erabatekoan dira Twitter eta Facebook. Biek gura dituzte euren buruak aurkeztu iragarleentzako ahalik eta erakargarrien, baina benetako inpaktua adierazteko metrika adosturik ez dago eta sare sozial bakoitzak bere onurarako publizitate datuak erakusteko metrika propioak garatu dituzte. Kopuruak kopuru, inpaktu objektiboa oraindik neurtzeko dago.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak