Sistema eragilea ezagutzeko webgunea abiatu du Windows Phone-k

Mugikorrerako sistema eragile erabilienen artean hirugarrena da Windows Phone; Blackberry, makina bat arazo eta gero, atzean lagata. Azkenaldian telefono merke eta eraginkorrekin eta aplikazioen eskaintza areagotuta, merkatuan duten lekua hobetzea lortu dute Windows-ekoek. Sistema eragileari dagokionez, Windows Phone 8 da azkena eta erabiltzaileei gauzak erraztu gure dizkiete orain.

Nokiaren domeinuaren barruan, sistema eragilearen aukerak erabiltzen ikasteko bideo-tutorialak ipini dituzte eskuragarri, horrekin batera, segurtasun ezarpenak eta konfigurazio aukera desberdinak azalduz. Gainontzeko sistema eragileen interfazeetatik zertxobait desberdina da Windows Phone, neurri diferente askotako leihoekin. iOS eta Android-ek pantaila nagusiak aplikazioen botoiak erakusteko erabiltzen dituzte eta Windowsek neurri moldagarria duten koadrikulak erabiltzen ditu edukiak antolatzeko. Koadrikula bakoitzak, erakusten duen aplikazioaren arabera, portaera zehatz bat du eta informazioa erakusten dute aplikazio bera irekitzeko beharrik izan barik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.